Os servizos do Arquivo
Funcións do Arquivo :
- A supervisión da xestión de documentos da Deputación ao longo de todas as etapas do ciclo de vida dos documentos.
- A administración do arquivo electrónico da Deputación e a supervisión do sistema de xestión de documentos electrónicos.
- A elaboración e aplicación dos instrumentos de descrición arquivísticos necesarios para a xestión de documentos que aseguren o control, o acceso e a recuperación rápida e eficiente da información.
- A formación e asesoramento ao persoal da Deputación en materia de arquivos e xestión de documentos.
- A coordinación e elaboración de normas para a organización dos arquivos de oficina.
- A regulación do procedemento de transferencia de documentos ao Arquivo.
- O tratamento arquivístico dos documentos, que inclúe as tarefas de identificación, clasificación, descrición, ordenación, instalación e valoración.
- A eliminación de documentos axustáse a procedementos regrados e aos dictames do Consello de Avaliación Documental de Galicia.
- O acceso e servizo de documentos e información aos diferentes servizos que forman parte da Deputación e á cidadanía, de acordo coa lexislación na materia, respectando o dereito á protección de datos de carácter persoal, á intimidade, así como outros dereitos protexidos por lei.
- A regulación das condicións de consulta e préstamo de documentos, e a posta ao dispor dos usuarios os instrumentos de descrición (inventarios, catálogos, guías ou repertorio) necesarios para facilitar o acceso á documentación.
- A protección e conservación do patrimonio documental da organización.
- A difusión do patrimonio documental da organización para fins culturais, científicos e educativos.
- A asistencia técnica a municipios en materia de arquivos e xestión de documentos.
- A xestión do equipamento e instalacións do arquivo. Formular os criterios sobre a correcta localización física dos documentos, establecendo as condicións que han de reunilos locais de depósito e o mobiliario necesario para a instalación e a seguridade dos documentos.
- Sala de consulta para investigadores. Recomendable previa cita.
- Contacto consultas
- Solicitudes de información
- Asesoramento técnico.
- Servizo de reprodución de documentos sempre que as disposicións legais e o estado de conservación dos documentos o permitan.
- Biblioteca auxiliar especializada en arquivística.
- Memorias (2020-2021, 2022, 2023, 2024)
- Servizo de difusión. Analítica dixital (2019, 2020, 2021, 2022, 2023, 2024, 2025)
- Teléfono: 981 415 237
- Contacto: arquivo@dacoruna.gal
- Recomendable cita previa por calquera destes canles
- Horario de atención ao público de 09 a 14 horas
- Cómo chegar
Enderezo: Rúa Archer Milton Huntington, 24
15011 A Coruña
Coordenadas: 43.372412, -8.423133
Transporte Público: liñas de autobuses
3 –3A – 12 – 12A – 14
Preguntas frecuentes (FAQS)
Co fin de responder as dúbidas existentes sobre calquera aspecto referente ao Arquivo e a súa documentación, poñemos ao dispor de calquera interesado unha relación de preguntas frecuentes sobre o mesmo.
• Onde está o Arquivo?
Rúa Archer Milton Huntington, 24. 15011 A Coruña
• Que horario ten?
Horario de atención ao público de 09 a 14 horas de luns a venres.
• Que servizos presta o Arquivo?
- Información documental e bibliográfica.
- Consulta de documentos en sala.
- Reprodución de documentos.
- Asesoramento técnico.
- Biblioteca auxiliar especializada en arquivística e historia da provincia da Coruña.
- Difusión do patrimonio documental.
- Investigación sobre a historia da Deputación
• Como solicitar información?
Ademáis da consulta presencial no horario establecido, pódese utilizar a vía telefónica (981 415237), o correo electrónico, na páxina web ou na sede electrónica da Deputación.
• Son accesibles as instalacións para personas con movilidade reducida (PMR)?
Sí, tanto o edificio como a sala de consulta son totalmente accesibles, e os aseos tamén están adaptados para persoas con discapacidade.
• É necesario algún tipo de requisito para acceder ao Arquivo?
O acceso da cidadanía aos fondos documentais é libre, segundo recolle o art. 105 b da nosa Constitución. Non ten máis límites que os derivados do estado de conservación e as restricións establecidas pola lexislación vixente na materia, respectando o dereito a protección de datos de carácter persoal, á intimidade, así como outros dereitos protexidos por lei.
Para consultas en sala, é recomendable previa cita, o usuario identificarase mediante documentación acreditativa (DNI, pasaporte...), e cubrirá o formulario de solicitude correspondente.
• Que tipo de fondos podo atopar no Arquivo?
No Arquivo conservamos os documentos producidos ou recibidos pola Deputación da Coruña desde o seu nacemento, no ano 1822, ata a actualidade. A documentación reflicte as funcións e actividades inherentes ás competencias da Deputación, que se poden resumir en dúas grandes áreas: Fomento e Administración da Provincia e Asistencia aos municipios en todas as súas necesidades.
Unha pequena parte da documentación procede de institucións desaparecidas, como os antigos Establecementos Provinciais de Beneficencia da Coruña, Ferrol e Santiago de Compostela, así como de organismos de ámbito provincial, como o Consello Provincial, a Xunta Provincial do Censo Electoral e a Comisión Mixta de Recrutamento.
O Arquivo conta tamén con fondos privados adquiridos por compra, doazón ou depósito, entre os que destacan o de José Mosquera Pérez "O vello dos Contos", a Familia Martelo, a Familia Murguía-Castro, a Familia García-Espinosa, a Colección Manuel Puga Pequeño, as Escolas Populares Gratuitas ou o Colexio Oficial de Arquitectos.
Para máis información, consúltese o cadro de clasificación.
• O Arquivo da Deputación Provincial conserva toda a documentación que existe sobre a provincia?
Non, principalmente custodia a documentación xerada pola propia Deputación. Para unha investigación máis completa sobre a provincia, tamén se poden consultar outros arquivos, como:
- Arquivo do Reino de Galicia – documentos históricos da administración galega.
- Arquivos municipais, como o Arquivo Municipal da Coruña, e outros arquivos da provincia.
- Arquivos privados – coleccións particulares que poden conter documentación relevante.
• Existe servizo de préstamo?
Non, os documentos só poden ser consultados na sala de consulta.
• Pódose consultar desde a casa os fondos de Arquivo?
Non, é necesario acudir presencialmente ao Arquivo. Na web só está dispoñible unha pequena parte dos fondos dixitalizados. En libre acceso están, por exemplo, as Actas do Pleno correspondentes ao período 1822-1922 e o Boletín Oficial da Provincia (BOP) histórico.
• Pódese conseguir copia dos documentos conservados no Arquivo?
Si. Unha vez identificados os documentos solicitados e comprobado que non existe ningunha limitación para a súa reprodución, os usuarios poden realizar copias cos seus propios medios (teléfono móbil, cámara fotográfica...) ou solicitar que sexan realizadas polo persoal do Arquivo.
• Que hai que facer para publicar ou exhibir as reproducións de documentos obtidas?
As reproducións de documentos facilítanse únicamente para uso privado, cunha finalidade exclusivamente de apoio á investigación histórica, científica ou cultural.
Se se desexa publicar debe solicitarse autorización. Todo isto supeditado ao cumprimento da lexislación e normativa vixente. Deberá constar a procedencia do documento e o usuario comprométese a entregar un exemplar da publicación ou produto independentemente do seu soporte.
• Pódese realizar unha doazón de documentación?
Si, pódese realizar unha doazón de documentación. Aceptanse doazóns de particulares, pero sempre tras unha valoración previa para determinar a súa relevancia, o seu estado e se encaixa coas coleccións do arquivo.
O acceso da cidadanía aos fondos documentais é libre, segundo recolle o art. 105 b da nosa Constitución. Non ten máis límites que os derivados do estado de conservación e as restricións establecidas pola lexislación vixente na materia, respectando o dereito a protección de datos de caracter persoal, á intimidade, así como outros dereitos protexidos por lei.
Para consultas en sala, previa cita, o usuario identificarase mediante documentación acreditativa (DNI, pasaporte...), e cubrirá o formulario de solicitude correspondente. Tamén se podera solicitar información polo correo electrónico, teléfono, web, ...
- Dirección: 1 A1
- Equipo técnico: 5 A2
- Equipo auxiliar: 2 C1 + 4 C1 (Programa Sabón)
